VIDEO MPYA YA INJILI 'NINA FURAHA' YAMPAISHA DK TUMAINI

Mwimbaji wa muziki wa Injili ambaye pia ni mwandishi wa habari wa gazeti la Mwananchi, Dk Tumaini Msowoya amefanikiwa kuachia video yake mpya ya wimbo unaoitwa ‘Nina Furaha’.

Akizungumza na wanahabari, Dk Tumaini alisema video hiyo ipo kwenye albamu yake ya ‘Hakuna Matata’ iliyobeba nyimbo nane.

 “Ni video ya kwanza na ina nyimbo ambazo mtu akizitazama moyo wake utajaa furaha hata kama ana huzuni,” alisema.

Alisema wimbo wa Nina Furaha unampa mtu nguvu ya kusonga mbele na unaeleza wazi kwamba mtu mwenye tumaini anayo furaha kwa sababu Mungu ndiye kiongozi wake.

Alisema video hiyo ameifanya na Jmic Pro chini ya Director John Gabriel huku audio ikiandaliwa na JB Production inayoongoza na Producer, Baraka Smart Billionaire.

“Ninachoomba zaidi ni sapoti yenu, video itakuwa kwenye Youtube Account yangu kwa hiyo, naomba muitazame na hiyo ni sapoti kubwa sana kwangu,” alisema.

Alitaja nyimbo nyingine zilizo kwenye albamu hiyo ya Hakuna Matata kuwa ni Wanawake, Mungu Mkuu, Amenitengeneza, Samehe na Mwamba.

Reactions: