Thursday, 13 October 2016

ASKARI FEKI WA JESHI LA WANANCHI PICHANI, ANASWA NA TAKUKURU


Mkuu wa Taasisi ya Kuzuia na Kupambana na Rushwa TAKUKURU mkoani Mwanza, Ernest Makale, akitoa taarifa ya kukamatwa kwa mwanamke aitwaye Felister Mathias Mawe, kwa tuhuma za kujifanya askari wa Jeshi la Wananchi JWTZ na kuchukua fedha kwa baadhi ya watu Jijini Mwanza ili awasaidie kupata nafasi ya kujiunga na jeshi hilo kupitia maofisa anaofahamiana nao.

Makale ameeleza kwamba mtuhumiwa huyo alikamatwa baada ya kujipatia kiasi cha shilingi 240,000 kati ya shilingi 500,000 alizokuwa ameomba kutoka kwa mmoja wa walioomba kujiunga na JWTZ.

Amebainisha kwamba mtuhumiwa mmoja ambaye ni mstaafu wa JWTZ aitwaye Sophia Chacha amekuwa akimsaidia mtuhumiwa huyo kwa kumuunganisha na watu waliokuwa wakihitaji kujiunga na jeshi ambapo ili kupata nafasi hiyo mtuhumiwa amekuwa akihitaji kiasi cha shilingi 500,000.


Reactions:

0 comments:

Post a Comment