Wednesday, 14 September 2016

RAMADHANI DAU APELEKWA MALAYSIA

Tokeo la picha la ramadhani dau

RAIS wa Jamhuri ya Muungano wa Tanzania John Pombe Magufuli, amemuapisha aliyekuwa Mkurugenzi wa Shirika la Hifadhi ya Jamii(NSSF), Ramadhani Kitwana Dau kuwa Balozi wa Tanzania nchini Malaysia.

Dau anajaza nafasi iliyoachwa wazi na aliyekuwa Balozi wa Tanzania nchini Malaysia Aziz Ponary Mlima ambaye kwa sasa ni Katibu Mkuu wa Wizara ya Mambo ya Nje na Ushirikiano wa Afrika Mashariki.

Wakati huo huo, Rais Dk John Pombe Magufuli, amewaapisha Makatibu Tawala wa Mikoa mitatu aliowateua mwishoni mwa wiki iliyopita.

Walioapishwa ni Eliya Mtinangi Ntandu anayekuwa Katibu Tawala wa kwanza wa Mkoa wa Songwe ulioanzishwa rasmi Mwezi Februari 2016 mwingine ni Adoh Stephen Mapunda anayekuwa Katibu Tawala wa Mkoa wa Mara.

Mapunda anachukua nafasi iliyoachwa wazi na Bw. Benedict Richard Ole Kuyan ambaye amestaafu.

Mwingine aliyeapishwa ni Tixon Tuliangine Nzunda anayekuwa Katibu Tawala wa Mkoa wa Rukwa ambaye anachukua nafasi iliyoachwa wazi na Symthies Emmanuel Pangisa ambaye amestaafu.


Baada ya kuapishwa, Balozi Dau na Makatibu Tawala wote watatu wamekula Kiapo cha Ahadi ya Uadilifu kwa Viongozi wa Umma kilichoongozwa na Kamishna wa Maadili Jaji Mstaafu Salome Kaganda na kushuhudiwa na Rais Magufuli

Reactions:

0 comments:

Post a Comment