Friday, 27 May 2016

WAZEE TTCL WATAKIWA KUWAPISHA VIJANA KUMUDU USHINDANI


Waziri wa Ujenzi, Uchukuzi na Mawasiliano, Profesa Makame Mbarawa amesema wakati umefika kwa wazee wanaofanya kazi katika Kampuni ya simu ya TTCL kuwaachia Vijana kwa kuwa sekta ya Mawasiliano hivi sasa ina ushindani mkubwa.

Akizindua nembo mpya ya kampuni hiyo na mtandao unaotumia teknolojia ya 4G LTE jana, Prof Mbarawa alisema wazee wamekua watu wa kuzungumza zaidi ofisini kuliko kufanya kazi na kubuni mbinu mpya zenye kuhimili ushindani.

“Uzinduzi huu hautakuwa na maana ikiwa wafanyakazi wa kampuni hii hawatabadilika na kutoa huduma zinazovutia wateja,” alisema.

Pia Prof. Mbarawa aliishauri menejimenti kutoajiri watumishi kwa kujuana, bali watoe fursa kwa Vijana wenye uwezo wa kuhimili ushindani unaotokana na mabadiliko ya teknolojia ya Mawasiliano.


Mwakilishi wa mwenyekiti wa bodi ya kampuni hiyo, Edwina Lupembe alisema TTCL wakati wowote kuanzia sasa itaanzisha huduma ya usafirishaji wa fedha kama zilivyo kampuni nyingine za simu za mkononi.

Reactions:

0 comments:

Post a Comment