POLISI DAR ES SALAAM ILIVYOWANASA DADA POA NA KAKA POA

WAKATI kukiwepo na taarifa za kuwepo kwa dadapoa na kaka poa katika mikoa mbalimbali nchini ukiwemo mkoa wa Iringa, Jeshi la Polisi Kanda Maalum ya Dar es salaam limefanikiwa kuwakamata dada poa pamoja na kaka poa 287 katika operesheni maalum iliyofanyika maneo mbalimbali ya Jiji hilo.

Oparesheni hiyo iliyoanza Machi 7, mwaka huu baada ya kutangazwa kufanywa na Kamishna wa Kanda Maalum ya Jiji hilo, Simon Siro aliyeazimia kuwakamata madada poa na makaka poa pamoja na wateja watakaobainika wakiwanunua.

Katika mkoa wa kipolisi wa Ilala jumla ya madada poa 51 kutoka katika maeneo mbalimbali yakiwemo msimbazi, Buguruni na  stakishari walikamatwa huku makaka poa 12 wakikamatwa katika maeneo ya Buguruni na Msimbazi.

Huko Temeke jumla ya madada poa 22 walikamatwa, kati yao 12 walikutwa Chang’ombe na 10 Mbagala.

Katika mkoa wa kipolisi wa Kinondoni, madada poa 76 walikamatwa katika maeneo ya Osyterbay, Magomeni na Kawe ambako pia makaka poa wanne walikamatwa.

CP Sirro amewataka watu wenye tabia kama hizo kuacha mara moja kwani ni kinyume na mila na desturi za mtanzania na akawataka watafute biashara nyingie halali za kufanya.

Reactions: